今季幾套改編動畫之中，《關於我轉生變成史萊姆這檔事》暫時可以話係最成功嘅一套，事關佢不但評價好人氣高，連帶原作同漫畫嘅銷量都大大提升，動畫化效果驚人。不過令人更加驚訝嘅係呢股熱潮竟然連保險公司都可以受惠，仲勁到創公司業績紀錄！？
《轉生史萊姆》近日宣布相關書藉（漫畫、原作等）累積銷量已經突破1000萬，人氣高到咁，自然吸引左唔少公司搵佢宣傳，當中成效最突出嘅就係保險公司Lifenet。
Lifenet唔係掛名賣廣告咁簡單，佢首先開設合作專屬網頁，然後再用動畫截圖製作一個介紹保險嘅故事，入面有齊利姆露同大賢者登場以及對答，絕對唔馬虎。
最抵死嘅係保險公司仲用單身男主角30幾歲突然身亡嘅設定嚟推出「單身人士推薦選項」，比大家預防同男主角有同樣遭遇但冇錢搞喪禮事宜嘅情況。
整得咁有心，再加上《轉生史萊姆》人氣愈來愈高，結果Lifenet喺10月嘅業績創下10年前開始經營以來嘅新高，宣傳效果極佳！真係不愧為萌王。
《轉生史萊姆》將會播放兩季，唔知呢段期間仲會唔會有其他公司靠佢發達呢？
Source: https://headlines.yahoo.co.jp/ar ... ndaibiz-bus_all&p=1
原贴https://game.uwants.com/viewthread.php?tid=19860006
連保險公司都搵佢做宣傳
仲要用男主角個設定去sell
全部評論 0