日本漫畫市場一向由集英社旗下嘅《JUMP》作品稱霸,小學館同講談社都只係得一兩套招牌作可以同佢匹敵。不過今年講談社就有兩套漫畫突然彈起,銷量好到連編輯部都始料不及,其中一套就係人氣如日中天嘅《關於我轉生變成史萊姆這檔事》。
转 https://game.uwants.com/viewthread.php?tid=19880537
《轉生史萊姆》雖然10月先開播,但佢嘅紙本漫畫就已經再版咗160萬本,就連電子版漫畫銷量都大升,甚至勁到刷新講談社招牌作《進擊的巨人》嘅單一月份銷量紀錄!
講談社透露《轉生史萊姆》不但爆發力勁到嚇親人,而且佢仲係罕見地可以紙本、電子漫畫同動畫都同樣高人氣,形成良性循環嘅作品。
另一套彈起嘅就係《工作細胞》,佢嘅漫畫由7月開播以來已經再版左120萬本,平均每集再版20萬本,成績同樣係意料之外地優秀。
受益於呢兩套作品人氣急升,講談社旗下漫畫雜誌《月刊少年天狼星》銷量亦都比去年大增180%,動畫化效果相當顯著。
趁住《轉生史萊姆》動畫仲有半季,《工作細胞》又繼續推出外傳,講談社可唔可以把握機會,提升社內其他作品嘅知名度,一洗近年嘅頹勢呢?
Source: https://news.yahoo.co.jp/byline/ ... /20190106-00110230/
5 年前 0 回復